Нарвали-сме бервінку

Нарвали-сме бервінку
На поповім зарінку.

А нащо тот бервінок?
Молодиці на вінок.

Ой весела хижечка,
Заки є в ній дівочка.

А як буде невіста,
То наплачеться доста.

– Ой Маріко, ра-ра-ра,
Нараю ти фраєра.

Нараю ти сам себе,
Ци підеш ти за мене?

Ой Маріко, чичири,
Розчеши ми кучері!

– Я бим тобі чесала,
Кедь би мамка не знала.

Мати буде дивити,
Я ся буду ганьбити.

Comments are closed.